ماركوس راشفورد تقريباً حسم قراره خلاص، وهيرجع مانشستر يونايتد بعد ما يخلص فتره إعارته مع أستون فيلا، اللي انضم ليها في يناير اللي فات.

راشفورد قدم مستوى جامد مع الفيلانز، وسجل 4 أهداف وصنع 6 غيرهم في كل البطولات، وده خلى ناس كتير تتسائل إذا كان هيفضل مع فيلا ولا هيرجع تاني لأولد ترافورد.

بس حسب سكاي سبورتس، واللي نقلت عن مصادر قريبه من اللاعب، راشفورد قرر يرجع، لأنه حاسس إنه لسه عنده كتير يقدمه مع مانشستر، بالرغم من شوية مشاكل كانت بينه وبين المدرب روبين أموريم الفتره اللي فاتت.

الناس كانت شايفه إن الخلافات دي ممكن تأثر، بس راشفورد شايف إن ده ما يمنعش إنه يكون ليه دور كبير في الفريق، خصوصاً بعد ما أثبت نفسه في الفتره القصيره مع أستون فيلا.

الجدير بالذكر إن عقد راشفورد لسه شغال مع اليونايتد لحد سنة 2028، وده معناه إنه قدامه فرصه كويسه يعيد ترتيب أوراقه ويثبت نفسه من تاني، وخصوصاً لو المدرب قرر يعتمد عليه بعد الأداء اللي قدمه.