برشلونة بقيادة لابورتا قرب يخلص اتفاقه مع المدرب الألماني هانز فليك علشان يجدد عقده، واللي بيقود الفريق حاليًا في موسم قوي بيحاول فيه يحقق الثلاثيه التاريخيه.

فليك مسك تدريب برشلونة من بداية الموسم ده، بعد ما مشي تشافي هيرنانديز، وكان عقده الأصلي لحد صيف 2026، لكن من يناير اللي فات ولابورتا بيحاول يمددله موسمين كمان.

صحيفة “ماركا” الإسبانية كشفت إن فليك وافق على التمديد، بس لموسم واحد بس، يعني العقد الجديد هينتهي في صيف 2027، وده علشان ميبقاش فيه تشتيت للفريق قبل الكلاسيكو قدام ريال مدريد في نهائي كاس إسبانيا.

فليك واضح إنه مش بيحب العقود الطويله، وبيفضل دايمًا ميستمرش أكتر من 3 سنين مع أي نادي، وده من الأسباب اللي خلت العقد الجديد يبقى لموسم واحد.

المدرب الألماني حس بالراحه في برشلونة، وشايف إن المشروع الرياضي للنادي مناسب ليه، خصوصًا إنه اشتغل على تكوين فريق شاب عنده مستقبل كبير، وده خلاه يقتنع يكمل موسم إضافي.